Friend told everyone about our threesome

November 27, 2020

STAR, would you believe mi when mi tell yuh say mi nuh have no friends? Several months ago, mi learn my lesson after one a dem mash up mi relationship.

She was a girl who mi trust eno and every likkle ting we used to discuss. She used to tell me one bag a tings bout har man.

Him did have a next gyal with har and every day she use to come a mi yard come bawl every day. Anyway one day she ask mi if mi can do a threesome with she and him.

Mi did iffy at first but after a few weeks she finally convince mi. Di day come and we reach di hotel. From deh so mi should a pick up say something wrong because she keep on ask her man whose body him like more. It was clear a me him did prefer and me get most a him attention that night.

On we way home mi notice she silent no matter how mi a try talk to her. The next day she say it look like har man like mi because him a ask har when again.

Mi get upset and ask her what she a come with because is a fava mi do fi har. About a week pass by and she start put up status how friend a wicked. One day mi and mi man siddung inna mi yard and di gyal just come in and start tell mi man say mi nuh faithful and start tell him everything whe happen a di hotel.

Mi frighten 'til mi almost dead. By this time, crowd start draw and di entire community know. Mi couldn't deny it and mi man was so shame that him left di same night but not before him cuss me in front of everyone. No matter how mi apolgise him nah look pon mi.

Other News Stories